今天是:

རེས་མོའི་གསར་འགྱུར།

ཉིན་རེའི་གསར་འགྱུར་གལ་ཆེན།

མདུན་ཤོག > རེས་མོའི་གསར་འགྱུར། > ཉིན་རེའི་གསར་འགྱུར་གལ་ཆེན།

ཀྲུའུ་ཞི་ཞི་ཅིན་ཕིང་གིས2021ལོའི་ལོ་སར་ལ་ཕུལ་བའི་ཤིས་ཚིག

说明: C:\Users\admin\Documents\WeChat Files\wxid_tw0jiwg5m33122\FileStorage\Temp\83ce112682ddf84ef860f49450567172.jpg

གནམ་ལོ་གསར་བ་བསླེབ་ལ་ཉེ་བའི་སྐབས་འདིར།རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཀྲུང་དབྱང་རླུང་འཕྲིན་ བརྙན་འཕྲིན་སྤྱི་ཁྱབ་ལས་ཁུངས་དང་འཕྲིན་སྦྲེལ་དྲ་བ་བརྒྱུད་དེ།2021ལོའི་ལོ་སར་ལ་ཤིས་ཚིག་ཕུལ།ཤིས་ཚིག་གི་ནང་དོན་ཆ་ཚང་གཤམ་གསལ་ལྟར།      

ལྷན་རྒྱས་སྐུ་ཁམས་བཟང་།2021ལོ་བསླེབ་ལ་ཉེ་བའི་མཚམས་འདིར།ངས་པེ་ཅིན་ནས་ཚང་མར་ལོ་གསར་བའི་བཀྲ་ཤིས་སྨོན་འདུན་ཞུས་པ་ཡིན།

2020ལོ་ནི་ཆེས་སྤྱིར་བཏང་མིན་པའི་ལོ་ཞིག་ཡིན། གློ་བུར་དུ་བྱུང་བའི་ཏོག་གསར་གློ་ཚད་རིམས་ནད་ཀྱི་མདུན་དུ། ང་ཚོས་མི་དམངས་གོང་དུ་བཀུར་བ་དང་ཚེ་སྲོག་བླ་ན་མེད་པ་ཡིས་མི་ཡུལ་གྱི་བརྩེ་བ་ཆེན་མོར་འགྲེལ་བཤད་བྱས་པ་དང་། ཀུན་སེམས་གཅིག་སྒྲིལ་དང་སྙིང་སྟོབས་ཆེར་བསྐྱེད་ཀྱི་སྒོ་ནས་རིམས་འགོག་གི་ལོ་རྒྱུས་སྙན་ངག་བརྩམས་ཡོད། དཀའ་ངལ་མཉམ་སེལ་བྱེད་པའི་ཉིན་མོའི་ནང་། འཆི་ཉེན་ལ་མི་སྐྲག་པར་མདུན་དུ་བསྐྱོད་པའི་སྤོབས་སེམས་ཡོད་ལ། ཞུམ་པ་མེད་པའི་བརྟན་སྲུང་ཡང་ཡོད། དཀའ་སྡུག་མཉམ་མྱོང་གི་འགན་སེམས་ཡོད་ཅིང་། དཔའ་ངར་ཞུམ་མེད་ཀྱི་བློས་གཏོང་ཡོད་ལ། སོ་སྲུང་རོགས་རེས་ཀྱི་སེམས་འགུལ་ཡང་ཡོད།གོས་དཀར་ལྷ་རྗེ་ནས་མི་དམངས་ཀྱི་བུ་ཕྲུག་དམག་མི་དང་།ཚན་ཞིབ་མི་སྣ་ནས་སྡོད་ཁུལ་གྱི་ལས་བྱེད་པ།དང་བླངས་པ་ནས་ལས་གཞིའི་འཛུགས་སྐྲུན་པ།བགྲེས་སོང་རྒན་རྒོན་ནས་ལོ་རབས་དགུ་བཅུ་བ་དང་ཉི་ཤུ་བའི་རྗེས་སུ་སྐྱེས་པའི་གཞོན་ནུའི་མི་རབས་བཅས་མི་གྲངས་ལས་འདས་པ་ཞིག་གིས་སྲོག་ཉེན་ལ་མ་འཛེམས་པར་ལས་འགན་བསྒྲུབ་པར་བསྐྱོད་པ་དང་།གཅེས་སེམས་ཆེན་པོས་དམངས་ལ་སྲུང་སྐྱོབ་བྱས།ཆུ་ཐིགས་བསགས་ནས་རྒྱ་མཚོ་འཁྱིལ་བའི་དཔེ་ལྟར་རླབས་ཆེན་སྟོབས་ཤུགས་ལ་བརྟེན་ནས་ཚེ་སྲོག་སྲུང་བའི་ལྕགས་རི་བརྟན་པོ་བསྐྲུན་ཡོད།བདེན་དོན་གྱི་ཆེད་དུ་ཕྱིར་བཤོལ་མི་བྱེད་པའི་མི་སྣ་རེ་རེ་དང་།ཡིད་སེམས་གཅིག་མཐུན་གྱི་སྟོབས་ཤུགས་སྦྲེལ་ཐེངས་རེ་རེ།མི་སེམས་འགུལ་བའི་རྣམ་པ་རེ་རེ་བཅས་ཀྱིས་རླབས་ཆེའི་རིམས་འགོག་སྙིང་སྟོབས་གསོན་ཉམས་དོད་པོས་མངོན་པར་བྱས་ཡོད།སྤྱིར་བཏང་གི་བྱ་བའི་ཐོག་ནས་རླབས་ཆེན་བསྐྲུན་དགོས་པ་དང་།དཔའ་བོ་ནི་མི་དམངས་ཀྱི་ཁྲོད་ནས་ཡོང་བ་ཡིན་པས།མི་སུ་ཡིན་རུང་སྤྱིར་བཏང་བ་ཞིག་ག་ལ་ཡིན།སྟབས་མ་ལེགས་པར་ནད་གཞི་འགོས་པ་རྣམས་ལ་འཚམས་འདྲི་ཞུ་རྒྱུ་དང་།ཕལ་བའི་ཁྲོད་ཀྱི་དཔའ་བོ་རྣམས་ལ་གུས་འདུད་ཞུ།རླབས་ཆེན་གྱི་མེས་རྒྱལ་དང་མི་དམངས་ཀྱིས་ང་ལ་དཔའ་ངར་བསྐྱེད་ཡོད་པ་དང་།འབད་འཐབ་ཆེར་བསྐྱེད་ཀྱི་མི་རིགས་སྙིང་སྟོབས་ཀྱིས་ང་ཡི་སྤོབས་སེམས་བཏེགས་ཡོད།

སྡུག་དུས་དཔའ་མཛངས་མངོན།། འབད་པས་འབྲས་བཟང་སྨིན།།ང་ཚོས་རིམས་ནད་ཀྱི་ཤུགས་རྐྱེན་ཁྱད་དུ་བསད་དེ། རིམས་འགོག་ཚོད་འཛིན་དང་དཔལ་འབྱོར་སྤྱི་ཚོགས་གོང་འཕེལ་གྱི་གཅིག་གྱུར་འཆར་འགོད་ལ་གྲུབ་འབྲས་གལ་ཆེན་བླངས་ཡོད།ལོ་ལྔའི་འཆར་གཞི་ཨང་བཅུ་གསུམ་པ་ལེགས་པར་གྲུབ་ཅིང་།ལོ་ལྔའི་འཆར་གཞི་ཨང་བཅུ་བཞི་བ་ཁྱོན་ཡོངས་ནས་ཇུས་འགོད་བྱས་ཡོད།འཕེལ་རྒྱས་ཀྱི་གནས་སྟངས་གསར་བ་གང་མགྱོགས་ཀྱིས་གཏོད་པ་དང་།སྤུས་ཚད་མཐོ་བའི་འཕེལ་རྒྱས་གཏིང་ཟབ་ངང་ལག་ཏུ་བསྟར་བཞིན་ཡོད།འཛམ་གླིང་གི་དཔལ་འབྱོར་མ་ལག་གཙོ་བོའི་ཁྲོད་རང་རྒྱལ་སྔ་མོ་ནས་འཕར་སྣོན་བྱུང་བ་མངོན་འགྱུར་བྱས་ཤིང་།སྔོན་དཔག་བྱས་ན་སྤྱི་ལོ2020ལོར་རྒྱལ་ནང་ཐོན་སྐྱེད་ཀྱི་སྤྱིའི་རིན་ཐང་སྒོར་དུང་ཕྱུར་ས་ཡ་ཟིན་པའི་སྐས་རིམ་གསར་བར་བསླེབས་ཡོད།འབྲུ་རིགས་ཐོན་སྐྱེད་ལ་ལོ་བཅུ་བདུན་ནང་བསྟུད་མར་ལོ་ལེགས་བྱུང་ཡོད།ཐེན་ཝུན་དང་བོ་རྟགས་ཅན་དང་།ཟླ་བའི་ལྷ་མོ་ལྔ་བ་རྟགས་ཅན།འབད་འཐབ་རྟགས་ཅན་སོགས་ཚན་རིག་རྟོག་ཞིབ་ལ་འགག་སྒྲོལ་ ཆེན་པོ་བྱུང་ལ།ཧའེ་ནན་རང་མོས་ཉོ་ཚོང་གྲུ་ཁའི་འཛུགས་སྐྲུན་ཚ་ཚ་འུར་འུར་ངང་སྤེལ་བཞིན་ཡོད།ང་ཚོས་ད་དུང་ཆུ་ལོག་དང་ཞོད་སྐྱོན་གནོད་འཚེ་ཚབས་ཆེན་བཀག་འགོག་བྱས་པ་དང་།རྒྱ་ཆེའི་དམག་དམངས་ཀྱིས་དཀའ་ཁག་དང་ཉེན་ཁར་མི་ འཛེམས་པར་སེམས་ཤུགས་གཅིག་ཏུ་བསྒྲིལ་ནས་ཆུ་ལོག་བཀག་པ་དང་གནོད་པ་སེལ་ཏེ།གྱོང་གུན་ཕོག་ཚད་ཆེས་ཆུང་བར་ བཏང་ཡོད།ངས་ཞིང་ཆེན་དང་རང་སྐྱོང་ལྗོངས།ཐད་གཏོགས་གྲོང་ཁྱེར13ལ་རྟོག་ཞིབ་བྱེད་སྐབས།ཚང་མས་རིམས་འགོག་གི་བྱ་ཐབས་ནན་ཏན་གྱིས་དོན་འཁྱོལ་བྱེད་བཞིན་ཡོད་པ་དང་།དུས་ཚོད་དམ་འཛིན་བྱས་ནས་ལས་འགོ་བསྐྱར་ཚུགས་དང་ཐོན་སྐྱེད་སླར་གསོ་བྱེད་པ།ནུས་ཤུགས་ཡོད་རྒུས་གསར་སྐྲུན་གསར་གཏོད་བྱས་ཏེ།ཀྲུང་གོའི་ས་གཞི་ཆེན་མོར་བློ་སྤོབས་ཆེར་སྐྱེད་ཀྱིས་རང་སྟོབས་རང་སྤེལ་དང་སེམས་རྩ་བརྟན་པོ།ཉིན་མཚན་དབྱེར་མེད་ཀྱིས་ལས་ལ་འབད་པའི་རྣམ་པ་མཐོང་བས་དགའ་ ཚོར་ཆེན་པོ་སྐྱེས་ཡོད།    

2020ལོར།ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པར་ལོ་རྒྱུས་རང་བཞིན་གྱི་རླབས་ཆེ་བའི་གྲུབ་འབྲས་ ཐོབ་པ་དང་།དབུལ་ཐར་མཁྲེགས་གཏོར་ལ་རྒྱལ་ཁ་མཐའ་གཅིག་ཏུ་ཐོབ་ཡོད།ང་ཚོས་ཆེས་དབུལ་བའི་བཙན་རྫོང་གཏོར་ཆེད་འབད་བརྩོན་བྱས་ཏེ།ཆེས་དཀའ་ཚེགས་ཆེ་བའི་འགག་གནད་སེལ་ཡོད།དུས་ཡུན་ལོ་བརྒྱད་ཀྱི་རིང་།ད་ལྟའི་ཚད་གཞིའི་འོག་གི་ཞིང་སྡེའི་དབུལ་ཕོངས་མི་འབོར་དུང་ཕྱུར་གཅིག་དབུལ་ཐར་བྱུང་བ་དང་། དབུལ་ཕོངས་རྫོང832ཀྱི་དབུལ་ཞྭ་ཕུད་ཡོད། ལོ་འདི་དག་གི་རིང་།ང་རང་རྒྱལ་ཡོངས་ཀྱི་གཅིག་སྡུད་ཆེ་བའི་དབུལ་ཕོངས་ས་ཁུལ14ལ་བསྐྱོད་པ་དང་།ཡུལ་མི་ཚོས་ཡུས་ ཀུང་གིས་རི་བོ་སྤོས་པའི་སྙིང་སྟོབས་བཅིངས་ཤིང་།རྒྱ་ཆེའི་དབུལ་སྐྱོར་ལས་བྱེད་པ་ཚོས་ཡོད་ཚད་གཅེས་འབུལ་གྱི་བརྩེ་བ་རྣལ་མ་དག་རྟག་ཏུ་ཡིད་ལ་འཁོར་གྱིན་འདུགང་ཚོས་ད་དུང་སྔོ་ལྗང་གི་ཁོར་ཡུག་བློས་མི་གཏོང་བར།ནན་ནན་ཏན་ཏན་གྱིས་བྱ་བ་ལེགས་པར་བསྒྲུབས་ཏེ།ཞིང་སྡེ་དར་རྒྱས་ཀྱི་མཛེས་སྡུག་ལྡན་པའི་རྣམ་པ་གཏོད་དགོས་པ་དང་།ཐུན་མོང་ཕྱུག་འགྱུར་གྱི་དམིགས་འབེན་ཕྱོགས་སུ་བརྟན་བརླིང་ངང་མདུན་སྐྱོད་བྱ་དགོས།

ད་ལོར།ང་ཚོས་ཧྲིན་ཀྲིན་སོགས་དཔལ་འབྱོར་དམིགས་བསལ་ཁུལ་བཙུགས་ནས་ལོ་ངོ40འཁོར་བ་དང་ཧྲང་ཧའེ་ ཕུའུ་ཏུང་གསར་སྤེལ་སྒོ་འབྱེད་ནས་ལོ་ངོ30འཁོར་བར་གཟབ་རྒྱས་ངང་རྟེན་འབྲེལ་ཞུས།དཔྱིད་དཔལ་རབ་ཏུ་བཞད་པའི་ལྷོ་རྒྱ་མཚོའི་འགྲམ་རྒྱུད་དང་།མཚར་སྡུག་རྣམ་པར་བཀྲ་བའི་ཧོང་ཕུའུ་གཙང་འགྲམ་ནས་བལྟས་ཚེ།ཡིད་ལ་ཚོར་འགྱུ་སྣ་ཚོགས་ སྟེར་བ་དང་།སྔོན་ལ་ལག་བསྟར་དང་སྔོན་ལ་ཚོད་ལྟ་བྱེད་པ་དེ་ད་ལྟ་དཔེ་སྟོན་སྣེ་ཁྲིད་དུ་གྱུར་ཅིང་།གསར་སྐྲུན་འཚོལ་ཞིབ་བྱ་རྒྱུ་དེ་གསར་སྐྲུན་གྱི་ཁྲིད་སྟོན་བྱེད་པར་གྱུར་ཡོད།བཅོས་སྒྱུར་སྒོ་འབྱེད་ཀྱིས་འཕེལ་རྒྱས་ཀྱི་ངོ་མཚར་བསྐྲུན་ཡོད་པས།མ་འོངས་པར།ད་དུང་བློ་སྤོབས་ཆེན་པོས་བཅོས་སྒྱུར་ཟབ་སྤེལ་དང་སྒོ་འབྱེད་རྒྱ་ཆེར་བཏང་ནས།དཔྱིད་ཀའི་གཏམ་རྒྱུད་དེ་བས་མང་བོ་བསྐྲུན་དགོས།   

བདེན་པའི་གནས་ལུགས་རང་ལ་ཡོད་གྱུར་ན། །གནམ་འོག་ཀུན་གྱིས་བརྩེ་བའི་གོང་དུ་བཀུར། །ལོ་གཅིག་རིང་གི་དཀའ་ངལ་སྣ་ཚོགས་བརྒྱུད་རྗེས།ང་ཚོས་སྔར་ལས་ལྷག་པར་དུ་མིའི་རིགས་ཀྱི་ལས་དབང་གཅིག་མཐུན་འདུས་གྲུབ་ཡིན་པའི་དོན་སྙིང་རྟོགས་ཡོད།ངས་རྒྱལ་སྤྱིའི་ཐོག་གི་གྲོགས་པོ་གསར་རྙིང་དག་ལ་ཁ་པར་ཐེངས་མང་བཏང་ཞིང“སྤྲིན་སྟེགས་ཚོགས་འདུ”མང་བོར་ཞུགས་ལ།བགྲོ་གླེང་བྱས་པ་ཆེས་མང་ཤོས་ནི་སྐྱིད་སྡུག་མཉམ་གནས་དང་མཐུན་སྒྲིལ་རོགས་རེས་ཀྱིས་རིམས་ནད་འགོག་བཅོས་བྱེད་པ་དེ་ཡིན།རིམས་ནད་སྔོན་འགོག་དང་ཚོད་འཛིན་གྱི་ལས་འགན་ལྕི་བས་འཛམ་གླིང་གི་རྒྱལ་ཁབ་སོ་སོའི་མི་དམངས་ཀྱིས་ལག་གདང་སྦྲེལ་ཅིང་སྐྱིད་སྡུག་མཉམ་མྱོང་གིས་རིམས་ནད་ཀྱི་འཇིགས་སྣང་སྔ་ཙམ་ནས་སེལ་ཏེ་ཧུར་ཐག་སྒོས་སྔར་ལས་མཛེས་སྡུག་ལྡན་པའི་སའི་གོ་ལའི་ཁྱིམ་གཞིས་བསྐྲུན་དགོས།   

2021ལོ་ནི་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་བརྒྱ་འཁོར་བའི་ལོ་རེད།ལོ་བརྒྱའི་རྒྱང་སྐྱོད་ཀྱི་ཟིལ་རླབས་ད་དུང་དགུང་དུ་འཕྱུར་ཡོད་ལ།ལོ་བརྒྱའི་ཕུགས་འདུན་གྱི་དད་སེམས་སྔར་ལས་བརྟན་པོ་ཡོད།ཧྲང་ཧའེ་ཧྲི་ཁུའུ་མིན་ནས་ཅ་ཞིན་ནན་ཧུའུ་མཚེའུའི་བར་དུ་གྲུ་ཆུང་དམར་པོ་ཞིག་གིས་མི་དམངས་ཀྱི་མངག་བཅོལ་དང་མི་རིགས་ཀྱི་རེ་བ་བཏེགས་ཏེ་དྲག་འབབ་ཆུ་བོའི་རྒྱུན་ལ་འགྲོགས་ཤིང་རྒྱ་མཚོའི་རླབས་ཕྲེང་ཟིལ་གྱིས་གཏོར་ནས།ཀྲུང་གོའི་སྣེ་ཁྲིད་པའི་བརྟན་བརླིང་རྒྱང་སྐྱོད་ཀྱི་བརྗིད་ཉམས་ལྡན་པའི་གྲུ་གཟིངས་ཆེན་པོ་ཞིག་ཏུ་གྱུར་ཡོད།སྐལ་བརྒྱའི་རླབས་ཆེན་བྱ་གཞག་དེ་ཏག་ཏག་ལོ་ངོ་བརྒྱ་ཡི་དུས་དང་བསྡོངས།ང་ཚོས་མི་དམངས་ལྟེ་བར་འཛིན་པ་དང་།ཐོག་མའི་ཕུགས་འདུན་ཡིད་ལ་བཅངས་ཤིང་འགན་འཁྲི་ སེམས་སུ་བཟུང་ནས་རླུང་བརྟེན་རླབས་གཤགས་དང་གྲུ་གཡོར་འཕྱར་ནས་མདུན་སྐྱོད་བྱས་ན་གཞི་ནས་ཀྲུང་ཧྭ་མི་རིགས་ཀྱི་བསྐྱར་དར་རླབས་པོ་ཆེ་མངོན་འགྱུར་བྱེད་ཐུབ།      

“ལོ་བརྒྱ་གཉིས”ཀྱི་ལོ་རྒྱུས་འབྲེལ་མཚམས་སུ་ལངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པའི་རྒྱང་སྐྱོད་ཀྱི་ལམ་བུ་གསར་བ་སྒོ་ཀུན་ནས་འགོ་འཛུགས་གྲབས་ཡོད་ལ།རྒྱང་སྐྱོད་ཀྱི་ལམ་བུ་རིང་བས་ངེས་ པར་དུ་འབད་འཐབ་བྱ་དགོས། ང་ཚོས་འབད་བརྩོན་གྱིས་དཀའ་ངལ་ཁྱད་དུ་བསད་དེ་ཆུ་ཀླུང་མང་བོ་བརྒལ་ཟིན་ལ། ང་ཚོས་ད་དུང་མུ་མཐུད་དུ་འབད་བརྩོན་ཞུམ་མེད་ཀྱིས་མདུན་སྐྱོད་བྱས་ཏེ་སྔར་བས་འོད་སྟོང་འབར་བའི་གྲུབ་འབྲས་བསྐྲུན་དགོས།

སྐབས་འདིར། གློག་བཞུ་རྣམ་པར་བཀྲ།། ཁྱིམ་མི་ལྷན་དུ་འཛོམས།། ལོ་གསར་སླེབས་ལ་ཉེ་བའི་མཚམས་འདིར། བརྗིད་པའི་རི་ཀླུང་མཛེས་སྡུག་ལྡན་པ་དང་།རྒྱལ་ཁབ་དར་ཞིང་དམངས་རྣམས་སྐྱིད་པ།འཆམ་མཐུན་ཕྱྭ་གཡང་འཛོམས་ཤིང་བདེ་སྐྱིད་ཕུན་སུམ་ཚོགས་པར་ཤོག།

           ལྷན་རྒྱས་ཐུགས་རྗེ་ཆེའོ།།


©༢༠༡༧ཀན་ལྷོའི་ཏང་གི་འཛུགས་སྐྲུན་དྲ་བ། ཀྲུང་གུང་ཀན་ལྷོ་ཁུལ་ཨུའི་རྩ་འཛུགས་པུའུ་ཡིས་གཙོ་སྒྲུབ་བྱས་པས་པར་དབང་འདི་གར་དབང་།

སྡོད་གནས། ཀན་ལྷོ་ཁུལ་ཨུའི་གཅིག་གྱུར་གཞུང་ལས་ཐོག་ཁང་གི་དྲུག་ཐོག ཁ་པར། ༠༩༤༡--༨༢༢༢༡༥༩ སྦྲག་ཨང་། ༧༤༧༠༠༠

དྲ་ངོས་རྡེབ་ཚད།མི་ཐེངས། དྲ་ངོས་སྒྲིག་བཟོ། ཧུང་ཏེན་དྲ་རྒྱ།

甘公网安备 62300102000044号