今天是:

རེས་མོའི་གསར་འགྱུར།

ཀྲུང་དབྱང་གསུང་སྙན།

མདུན་ཤོག > རེས་མོའི་གསར་འགྱུར། > ཀྲུང་དབྱང་གསུང་སྙན།

མི་རིགས་བསྐྱར་དར་མངོན་འགྱུར་བྱེད་པའི་སྟོབས་ཤུགས་གཅིག་ཏུ་སྒྲིལ་བ།

ཀྲུང་གོའི་མི་དམངས་འཇར་འགོག་དམག་འཁྲུག་དང་འཛམ་གླིང་ཐོག་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ75འཁོར་བར་རྗེས་དྲན་ཞུ།

说明: C:\Users\admin\Documents\WeChat Files\wxid_tw0jiwg5m33122\FileStorage\Temp\c9fcdce7dacaa5e976252e8ec4669033.jpg

དྲང་བདེན་ལ་རྒྱལ་ཁ་ཐོབ་ངེས། ཞི་བདེ་ལ་རྒྱལ་ཁ་ཐོབ་ངེས། མི་དམངས་ལ་རྒྱལ་ཁ་ཐོབ་ངེས།” དེ་རིང་ནི་ཀྲུང་གོའི་མི་དམངས་འཇར་འགོག་དམག་འཁྲུག་ལ་རྒྱལ་ཁ་ཐོབ་པ་དང་འཛམ་གླིང་ཐོག་ཧྥ་ཤི་སིར་རྒོལ་བའི་དམག་འཁྲུག་ལ་རྒྱལ་ཁ་ཐོབ་ནས་ལོ་ངོ75འཁོར་བའི་དྲན་གསོའི་ཉིན་མོ་ཡིན།དྲང་བདེན་མ་རུངས་པ་ལས་རྣམ་པར་རྒྱལ་བ་དང་།འོད་ཟེར་མུན་ནག་ལས་རྣམ་པར་རྒྱལ་བ།ཡར་ཐོན་ལོག་སྤྱོད་ལས་རྣམ་པར་རྒྱལ་བ་བཅས་ཀྱི་རླབས་ཆེན་གྱི་དྲན་གསོའི་ཉིན་མོ་ཞིག་དང་།ཀྲུང་གོའི་མི་དམངས་དང་འཛམ་ གླིང་ཡོངས་ཀྱི་ཞི་བདེར་དགའ་བའི་རྒྱལ་ཁབ་དང་མི་དམངས་མཐའ་དག་གི་དུས་ཆེན་གལ་ཆེན་ཞིག་ཡིན།

“མི་དམངས་དུང་ཕྱུར་བཞི་ཡིས་མཉམ་དུ་འབད། བློ་སེམས་གཅིག་གིས་དམག་གོས་མཉམ་དུ་ཀླུབས”ཅེས་པ་ལྟར། དེ་ནི་དཀའ་ངལ་ཚད་མེད་ཀྱིས་བཙན་འཛུལ་ལ་ངོ་རྒོལ་བྱེད་པའི་དམག་འཁྲུག་ཅིག་ཡིན།ཀྲུང་གོ་གུང་ཁྲན་ཏང་གིས་སྣེ་ཁྲིད་ནས་བཙུགས་པའི་འཇར་འགོག་མི་རིགས་འཐབ་ཕྱོགས་གཅིག་གྱུར་གྱི་དར་ཆའི་འོགམདུན་ཕྱོགས་ཀྱི་གཡུལ་ས་དང་དགྲ་བོའི་རྒྱབ་ཕྱོགས་ཀྱི་གཡུལ་ས་གང་ཡིན་རུང་། ཀྲུང་གོའི་མི་དམངས་ཀྱིས་དགྲ་བོར་མཉམ་འཐབ་དང་རྒྱལ་ཁབ་ཀྱི་དཀའ་ཉེན་མཉམ་སེལ། ཤ་ཁྲག་ལས་གྲུབ་པའི་ལུས་པོར་བརྟེན་ནས་མི་རིགས་འཇིག་ཉེན་ལས་སྐྱོབ་པ་དང་མི་རིགས་ཀྱི་ལ་རྒྱ་སྲུང་བའི་ངར་ལྕགས་ལྟ་བུའི་ལྕགས་རི་རིང་པོ་བསྐྲུན་པ་དང་།ཚེ་སྲོག་དང་ཁྲག་དྲོན་ལ་བརྟེན་ནས་ཀྲུང་ཧྭ་མི་རིགས་ཀྱི་ལོ་རྒྱུས་ཐོག་ཕྱི་དགྲ་འགོག་པའི་རླབས་ཆེན་གྱི་ལེ་ཚན་བརྩམས་པ་རེད། དམག་འཁྲུག་དེའི་ཁྲོད་དུ།ཀྲུང་གོའི་མི་དམངས་ཀྱིས་མི་རིགས་ཀྱི་གཏོང་ཕོད་ཆེན་པོར་བརྟེན་ནས་འཛམ་གླིང་ཐོག་ཧྥ་ཤི་སིར་རྒོལ་བའི་དམག་འཁྲུག་གི་ཤར་ཕྱོགས་གཡུལ་ས་གཙོ་བོར་འདེགས་སྐྱོར་བྱས་ཤིང་།ཀྲུང་ཧྭ་མི་རིགས་ཀྱི་མདུན་ལམ་དང་ལས་དབང་གི་ཆེད་དུ་འཐབ་འཛིང་བྱས་པ་མ་ཟད།མིའི་རིགས་ཧྲིལ་བོའི་མདུན་ལམ་དང་ལས་དབང་གི་ཆེད་དུ་འཐབ་འཛིང་བྱས་པ་ཡང་ཡིན།ལོ་ངོ14ཡི་ རིང་ལ་དཔའ་ངར་ཞུམ་མེད་ཀྱིས་འཐབ་རྩོད་བྱས་པ་བརྒྱུད།ཀྲུང་གོའི་མི་དམངས་ཀྱིས་གདུག་རྩུབ་ཆེ་བའི་འཇར་པན་དམག་རྒྱལ་རིང་ལུགས་ཀྱི་བཙན་འཛུལ་ཕམ་པར་བརྒྱབ་སྟེ།ཉེ་རབས་ནས་བཟུང་ཀྲུང་གོས་ཕྱིའི་བཙན་འཛུལ་ལ་འགོག་རྒོལ་བྱེད་པའི་རྒྱལ་ཁ་མཐར་ ཕྱིན་པ་ཐེངས་དང་པོ་བླངས་པ་རེད།རྒྱལ་ཁ་རླབས་པོ་ཆེ་འདི་ནི།འཇར་པན་དམག་རྒྱལ་རིང་ལུགས་ཀྱིས་ཀྲུང་གོ་མི་སེར་སྤེལ་ཡུལ་དང་བྲན་དུ་བཀོལ་བའི་ལྐོག་གཡོ་རྦད་དེ་ཐལ་བའི་རྡུལ་དུ་བརླགས་པ་དང་།ཉེ་རབས་ནས་བཟུང་ཀྲུང་གོས་ཕྱི་ནས་ཡོང་བའི་བཙན་འཛུལ་ལ་འགོག་རྒོལ་བྱེད་པའི་དམག་འཁྲུག་ཡང་ཡང་ཕམ་པའི་མི་རིགས་ཀྱི་ཞབས་འདྲེན་གཙང་སེལ་བྱས།རླབས་ཆེན་གྱི་རྒྱལ་ཁ་འདིས་ འཛམ་གླིང་ཐོག་གི་ཀྲུང་གོའི་རྒྱལ་ཁབ་ཆེན་པོའི་གོ་གནས་བསྐྱར་དུ་གཏན་འཁེལ་བྱས་པས།ཀྲུང་གོའི་མི་དམངས་ལ་འཛམ་གླིང་གི་ཞི་བདེར་དགའ་བའི་མི་དམངས་ཀྱི་བརྩི་བཀུར་ཐོབ།རླབས་ཆེན་གྱི་རྒྱལ་ཁ་དེས་ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་འོད་སྟོང་འཕྲོ་བའི་མདུན་ལམ་བཏོད་པ་དང་།གནའ་བོའི་ཀྲུང་གོའི་རྒྱ་བྱ་མྱང་འདས་དང་བསྐྱར་གསོན་གྱི་དཔེ་ནང་བཞིན་རྒྱང་སྐྱོད་ལམ་བུ་གསར་བ་བཏོད་ཡོད།རླབས་ཆེན་གྱི་རྒྱལ་ཁ་དེ་ནི་ཀྲུང་གོའི་མི་དམངས་ཀྱིས་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་ལ་རྒྱལ་ཁ་ཐོབ་པ་དང་འཛམ་གླིང་གི་ཞི་བདེ་སྲུང་སྐྱོང་བྱ་ཆེད་ཕུལ་བའི་ལེགས་སྐྱེས་གལ་ཆེན་ཞིག་ཀྱང་རེད།

“སྔོན་མའི་བསླབ་བྱ་མ་བརྗེད་ན།། རྗེས་མའི་མེ་ལོང་ཉིད་དུ་འགྱུར།།” དེང་སྐབས་ཀྱི་འཛམ་གླིང་ལ་སྔར་བྱུང་མ་མྱོང་བའི་འཕོ་འགྱུར་ཆེན་པོ་འབྱུང་བཞིན་ཡོད།རང་རྒྱལ་ནི་ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་མངོན་འགྱུར་བྱེད་པའི་གནད་འགག་གི་དུས་སྐབས་སུ་གནས་ཡོད་པ་དང་།ང་ཚོའི་ཏང་གིས་མི་དམངས་ཀྱི་སྣེ་ཁྲིད་དེ་ལོ་རྒྱུས་ཀྱི་ཁྱད་ཆོས་གསར་བ་མང་པོ་ལྡན་པའི་འཐབ་རྩོད་རླབས་པོ་ཆེ་བྱེད་བཞིན་ཡོད།མདུན་སྐྱོད་ཀྱི་ལམ་དུ་ཉེན་ཁ་དང་འགྲན་རྩོད་ཇི་ཙམ་མདུན་དུ་ལྷགས་ཚེ།དེ་ཙམ་གྱིས་ལོ་རྒྱུས་ཁྲོད་ཀྱི་བློ་གྲོས་དང་སྟོབས་ཤུགས་བསྡུ་ལེན་བྱས་ཏེ། འགྲན་རྩོད་ཆེན་པོར་ཁ་གཏད་འཇལ་ཕོད་པ་དང་། ཉེན་ཁ་ཆེན་པོ་འགོག་ཕོད་པ། འགོག་རྐྱེན་ཆེན་པོ་ཁྱད་དུ་གསོད་ཐུབ་པ། འགལ་བ་ཆེན་པོ་ཐག་གཅོད་ཐུབ་པ་བཅས་བྱ་དགོས།

ཀྲུང་གོ་མི་དམངས་ཀྱི་འཇར་འགོག་དམག་འཁྲུག་དང་འཛམ་གླིང་ཐོག་ཧྥ་ཤི་སིར་རྒོལ་བའི་དམག་འཁྲུག་ལ་རྒྱལ་ཁ་རླབས་པོ་ཆེ་ཐོབ་པར་རྗེས་དྲན་ཞུ་བ་ནི།ལོ་རྒྱུས་བློ་ལ་བརྟན་པོར་ངེས་པ་དང་འབྱུང་འགྱུར་ལ་ཉེན་བརྡ་བཏང་ནས།ཏང་ཡོངས་དང་དམག་ཡོངས།རྒྱལ་ཡོངས་མི་རིགས་སོ་སོའི་མི་དམངས་ཀྱིས་ཀྲུང་ཧྭ་མི་རིགས་རླབས་ཆེན་བསྐྱར་དར་མངོན་འགྱུར་ཡོང་ཆེད་འབད་འཐབ་བྱ་རྒྱུའི་སྐུལ་སློང་བྱ་དགོས།      

ལོ་རྒྱུས་བློ་ལ་བརྟན་པོར་ངེས་པ་དང་མ་འོངས་པར་ཉེན་བརྡ་བཏང་ནས་ང་ཚོས་མི་རིགས་ཀྱི་སྙིང་སྟོབས་རླབས་པོ་ཆེ་དར་སྤེལ་ཤུགས་ཆེན་གཏོང་དགོས།རྒྱལ་གཅེས་རིང་ལུགས་སྲོག་ཤིང་དུ་གྱུར་པའི་མི་རིགས་ཀྱི་སྙིང་སྟོབས་རླབས་པོ་ཆེ་ནི་ཀྲུང་གོའི་མི་ དམངས་ཀྱི་འཇར་འགོག་དམག་འཁྲུག་ལ་རྒྱལ་ཁ་ཐོབ་པའི་ཐག་གཅོད་རང་བཞིན་གྱི་རྒྱུ་རྐྱེན་ཡིན།སྔར་བྱུང་མ་མྱོང་བའི་མི་རིགས་ཆགས་འཇིག་ཇི་ཡོང་ཀྱི་མདུན་དུ།ཀྲུང་གོའི་མི་དམངས་ཀྱི་རྒྱལ་གཅེས་སྤྲོ་སེམས་མེ་རི་བཞིན་འཕྱུར་བ་རེད།ཀྲུང་ཧྭའི་བུ་ཕྲུག་ཡོངས་ ཀྱིས་རྡོག་རྩ་གཅིག་སྒྲིལ་གྱིས་ཕྱི་དགྲ་མཉམ་འགོག་བྱས་པ་དང་།མི་རིགས་ཀྱི་ཆེད་དུ་འཐབ་པ།མེས་རྒྱལ་གྱི་ཆེད་དུ་འཐབ་པ།ལ་རྒྱའི་ཆེད་དུ་འཐབ་པ་དང་བརྗིད་ཉམས་ལྡན་པའི་སྟོབས་ཤུགས་གཅིག་ཏུ་བསྡུས།བརྗིད་རླབས་ཆེ་བའི་འཕེལ་རིམ་དེའི་ནང་།ཀྲུང་གོའི་མི་དམངས་ཀྱིས་འཛམ་གླིང་རྒྱལ་ཁབ་གང་ལ་དར་རྒུད་ཅི་ཡོང་དེ་སྐྱེ་བོ་ཀུན་ལ་འགན་འཁྲི་ཡོད་པའི་རྒྱལ་གཅེས་ཀྱི་བསམ་པ་བསྟན་པ་དང་།འཆི་བར་ཉེ་ཡང་གཉའ་མི་སྒུར་བའི་མི་རིགས་ཀྱི་ལ་རྒྱ།གཏུམ་སྤྱོད་ལ་མི་སྐྲག་པར་དམར་འཛིང་མཐར་ཕྱིན་བྱེད་པའི་དཔའ་བོའི་བློ་སྟོབས།ལན་བརྒྱར་ཕམ་རུང་དཔའ་མི་ཞུམ་པ་དང་བློ་བརྟན་འགྱུར་མེད་ཀྱི་རྒྱལ་ཁ་ཐོབ་ངེས་ཀྱི་དད་སེམས་ཀྱིས་འཇར་འགོག་དམག་འཁྲུག་གི་སྙིང་སྟོབས་རླབས་ཆེན་བཏོད་ཡོད།སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས“རླབས་ཆེན་གྱི་འཇར་འགོག་དམག་འཁྲུག་གི་ སྙིང་སྟོབས་ནི་ཀྲུང་གོའི་མི་དམངས་ཀྱི་བསམ་པའི་རྒྱུ་ནོར་ཧ་ཅང་རྩ་ཆེན་ཡིན་པ་དང་།ཀྲུང་གོའི་མི་དམངས་ཀྱིས་དཀའ་ངལ་དང་ཉེན་ཁ་མཐའ་དག་ཁྱད་དུ་བསད་ནས་ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་མངོན་འགྱུར་བྱེད་ཆེད་འབད་འཐབ་བྱེད་པར་ནམ་ཡང་སྐུལ་མ་གཏོང་བའི་བསམ་པའི་སྒུལ་ཤུགས་སྟོབས་ལྡན་ཡིན།རྒྱང་སྐྱོད་ཀྱི་ལམ་བུ་གསར་བའི་ཐོག་ང་ཚོས་རླབས་ཆེན་གྱི་རྒྱལ་གཅེས་རིང་ལུགས་ཀྱི་སྙིང་སྟོབས་དར་སྤེལ་གཏོང་བ་དང་།རླབས་ཆེན་གྱི་འཇར་འགོག་དམག་འཁྲུག་གི་སྙིང་སྟོབས་དར་སྤེལ་བཏང་ ནས།མཁྲེགས་གཏོར་དཀའ་སེལ་བྱེད་ཕོད་པ་དང་འགན་འཁྲི་འཁུར་ཐུབ་པ།བྱས་རྗེས་འཇོག་ཕོད་པ་བཅས་བྱས་ཏེ་རྒྱལ་ཁ་ནས་རྒྱལ་ཁ་ གསར་བའི་ཕྱོགས་སུ་རྒྱུན་ཆད་མེད་པར་བསྐྱོད་དགོས།   

ལོ་རྒྱུས་བློ་ལ་བརྟན་པོར་ངེས་ཤིང་འབྱུང་འགྱུར་ལ་ཉེན་བརྡ་བཏང་ནས།ང་ཚོས་མི་རིགས་བསྐྱར་དར་མངོན་འགྱུར་ཡོང་བའི་སྟོབས་ཤུགས་ཆེན་པོ་གཅིག་ཏུ་སྒྲིལ་ཐུབ་པ་བྱ་དགོས།ཀྲུང་གོའི་གུང་ཁྲན་ཏང་གི་གདོང་འདེགས་ཀྱི་ཀ་བ་ལྟ་བུའི་ནུས་པ་ནི་ཀྲུང་གོའི་མི་དམངས་ཀྱིས་འཇར་འགོག་དམག་འཁྲུག་ལ་རྒྱལ་ཁ་ཐོབ་པའི་འགག་རྩ་ཡིན་པ་དང་།མི་རིགས་ཡོངས་ཀྱི་འཇར་འགོག་དམག་འཁྲུག་ནི་ཀྲུང་གོའི་མི་དམངས་ཀྱི་འཇར་འགོག་དམག་འཁྲུག་ལ་རྒྱལ་ཁ་ཐོབ་པའི་ཐབས་མཆོག་གལ་ཆེན་ཞིག་ཡིན།ཀླ་ཀློའི་གཏུམ་དྲག་དང་གདུག་རྩུབ་ཆེ་བའི་འཇར་པན་བཙན་འཛུལ་བར་ཁ་གཏོད་ཁར།ང་ཚོའི་ཏང་གིས་མི་དམངས་ལ་སྐུལ་སློང་དང་མི་དམངས་ལ་རྒྱབ་རྟེན་བཅོལ་བ་རྒྱུན་འཁྱོངས་དང་། ཕྱོགས་ཡོངས་ནས་འཇར་འགོག་དམག་འཁྲུག་གི་ལམ་ཕྱོགས་རྒྱུན་འཁྱོངས་བྱས་ཏེ། ཐབས་ཇུས་ཡང་དག་གཏན་འབེབས་བྱས་ནས་དགྲ་བོའི་རྒྱབ་ཕྱོགས་ཀྱི་གཡུལ་ས་རྒྱ་ཆེར་བཏོད་པ་དེ་འཇར་འགོག་དམག་འཁྲུག་རྒྱུན་འཁྱོངས་བྱེད་པའི་རྨང་གཞིའི་སྟོབས་ཤུགས་སུ་གྱུར་ཏེ།མི་རིགས་ཡོངས་ཀྱི་རྒྱལ་ཁབ་མི་འཇིག་པའི་རེ་བར་རོགས་འདེགས་བྱས་ཡོད་ལ།འཇར་འགོག་དམག་འཁྲུག་ལ་རྒྱལ་ཁ་ལེན་པའི་ཁ་ཕྱོགས་ལ་ཡང་དག་གི་སྣེ་ཁྲིད་བྱེད་ཀྱིན་ཡོད།འཇར་འགོག་དམག་འཁྲུག་ལ་རྒྱལ་ཁ་ཐོབ་པའི་རྨང་གཞིའི་ཐོགང་ཚོའི་ཏང་གིས་རྒྱལ་ཡོངས་མི་དམངས་ལ་མཐུན་སྒྲིལ་དང་སྣེ་ཁྲིད།མུ་མཐུད་འབད་འཐབ་བཅས་བྱས་ཏེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་བཙུགས་པ་རེད།དེ་ནས་སྤྱི་ཚོགས་རིང་ལུགས་ཀྱི་ལམ་ལུགས་གཏན་འཁེལ་བྱས་པ་དང་ཀྲུང་ཧྭ་མི་རིགས་ཀྱི་ལོ་རྒྱུས་ཐོག་གི་ཆེས་རྒྱ་ཆེ་ཞིང་གཏིང་ཟབ་པའི་སྤྱི་ཚོགས་ཀྱི་འཕོ་འགྱུར་ལེགས་གྲུབ་བྱུང་བ་རེད།ཀྲུང་གོ་གསར་བ་དབུ་བརྙེས་ནས་ལོ་ངོ70ལྷག་འདས་པའི་རིང་།ང་ཚོའི་ཏང་གིས་རྒྱལ་ཡོངས་མི་དམངས་ལ་མཐུན་སྒྲིལ་དང་སྣེ་ཁྲིད་བྱས་ཏེ།དཀའ་ངལ་དང་ཉེན་ཁ་རབ་དང་རིམ་པ་ལས་རྣམ་པར་རྒྱལ་ཞིང་།ལོ་རྒྱུས་ཀྱི་དེབ་ཐེར་དུ་འགོད་འོས་པའི་མི་ཡུལ་གྱི་བྱས་རྗེས་ངོ་མཚར་ཅན་ཡང་ཡང་གསར་གཏོད་བྱས་ཡོད།ཀྲུང་ཧྭ་མི་རིགས་ཀྱིས་སྒེར་ཚུགས་ཐུབ་ཅིང་ཕྱུག་པོར་གྱུར་པ་ནས་སྟོབས་ལྡན་དུ་གྱུར་པའི་མཆོང་སྐྱོད་རླབས་པོ་ཆེ་བསུས་ཡོད་པས།ཀྲུང་གོའི་གུང་ཁྲན་ཏང་ཁོ་ནས་ད་གཟོད་ཀྲུང་གོར་འགོ་ཁྲིད་བྱེད་ཐུབ་པ་དང་སྤྱི་ཚོགས་རིང་ལུགས་ཁོ་ན་མ་གཏོགས་ཀྲུང་གོ་སྐྱོབ་མི་ཐུབ་པ།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་མཐའ་འཁྱོངས་དང་འཕེལ་རྒྱས་བཏང་ན་མ་གཏོགས་ཀྲུང་ཧྭ་མི་རིགས་བསྐྱར་དར་རླབས་པོ་ཆེ་མངོན་འགྱུར་བྱེད་མི་ཐུབ་པ་ཤེས་འོང་ལ།རྒྱང་སྐྱོད་ཀྱི་ལམ་བུ་གསར་བའི་ཐོག་ང་ཚོས“འདུ་ཤེས་བཞི”ཇེ་ཟབ་ཏུ་གཏོང་བ་དང་། “གདེང་ཚོད་བཞི”ཇེ་བརྟན་དུ་གཏོང་བ། “སྲུང་སྐྱོང་གཉིས”བྱེད་ཐུབ་པ་བཅས་བྱས་ཏེ་ཐོག་མའི་བསམ་འདུན་མ་བརྗེད་པར་འགན་འཁྲི་བློ་ལ་བརྟན་པོར་འཆང་དགོས།མི་དམངས་དུང་ཕྱུར14ཡི་བློ་གྲོས་དང་སྟོབས་ཤུགས་གཅིག་ཏུ་བསྒྲིལ་ནས“ལོ་བརྒྱ་གཉིས”ཀྱི་དམིགས་འབེན་འབད་འཐབ་མངོན་འགྱུར་དང་ཀྲུང་ཧྭ་མི་རིགས་བསྐྱར་དར་རླབས་པོ་ཆེ་ཡོང་བའི་ཀྲུང་གོའི་ཕུགས་འདུན་མངོན་འགྱུར་བྱེད་ཆེད་འབད་བརྩོན་ཧུར་ཐག་བྱ་དགོས།    

ལོ་ངོ75ཡི་སྔོན་གྱི་རྒྱལ་ཁ་རླབས་པོ་ཆེ་དེས་ཀྲུང་ཧྭ་མི་རིགས་ལ་བཙན་འཛུལ་བར་དམར་འཛིང་མཐའ་འཁྱོངས་བྱེད་པའི་ དཔའ་ཉམས་ཡོད་པ་དང་། རང་སྟོབས་རང་སྤེལ་གྱི་རྨང་གཞིའི་ཐོག་ཉམས་པ་སོར་ཆུད་བྱེད་པའི་ཆོད་སེམས་ཡོད་ལ། འཛམ་གླིང་མི་རིགས་ཀྱི་ཁྲོད་དུ་རང་ཚུགས་ཐུབ་པའི་ནུས་པ་སོགས་ཡོད་པ་འཛམ་གླིང་སྐྱེ་བོ་ཀུན་ལ་ར་སྤྲོད་བྱས་ཡོད།དུས་རབས་གསར་བར་ དཔའ་མཛངས་རྟུལ་ཕོད་ཀྱིས་མདུན་སྐྱོད་བྱས་ཤིང་།རྒྱང་སྐྱོད་ཀྱི་ལམ་བུ་གསར་བར་བསྐྱོད་རྒྱུར།ང་ཚོར་བློ་རྩ་བརྟན་པོ་དང་བློ་སྟོབས་བརྟན་པོ།རྒྱལ་སྟོབས་བརྟན་པོ་བཅས་ཀྱི་སྒོ་ནས་འགྲན་སློང་ལ་ཁ་གཏད་འཇལ་བ་དང་གདེང་ཚོད།ནུས་པ།བློ་གྲོས་བཅས་འདང་ངེས་ཞིག་ཡོད་ཅིང་།ཉེན་ཁ་དང་ཚོད་བགམ་སྣ་ཚོགས་ལས་རྣམ་པར་རྒྱལ་བ་དང་།རྒྱལ་ཁབ་གང་ཞིག་ཡིན་རུང་ཀྲུང་ཧྭ་མི་རིགས་ཀྱི་བསྐྱར་དར་རླབས་པོ་ཆེ་མངོན་འགྱུར་བྱེད་པའི་ལོ་རྒྱུས་ཀྱི་གོམ་སྟབས་འགོག་མི་ཐུབ་ཅིང་།ང་ཚོས་བློ་མཐུན་ཞི་ཅིན་ཕིང་གིས་འགོ་ཁྲིད་གནང་བའི་ཏང་ཀྲུང་དབྱང་གི་མཐའ་འཁོར་དུ་སྔར་བས་མཐུན་སྒྲིལ་དམ་ཟབ་བྱས་ཏེ།མི་བརྒྱ་སེམས་གཅིག་དང་མེ་ཏོག་མཉམ་བཞད་ཀྱིས་དཀའ་སྡུག་གི་ཆར་རླུང་འཚུབ་ཀྱང་མདུན་སྐྱོད་ལ་བཀག་འགོག་མེད་པར་སྔོན་ནས་གཏན་འཁེལ་བྱས་པའི་དམིགས་ཚད་ཀྱི་ཕྱོགས་སུ་མུ་མཐུད་དུ་དཔའ་ངར་ཆེན་པོས་བསྐྱོད་རྒྱུ་ཡིན།།

(མི་དམངས་ཉིན་རེའི་ཚགས་པརལས།)


©༢༠༡༧ཀན་ལྷོའི་ཏང་གི་འཛུགས་སྐྲུན་དྲ་བ། ཀྲུང་གུང་ཀན་ལྷོ་ཁུལ་ཨུའི་རྩ་འཛུགས་པུའུ་ཡིས་གཙོ་སྒྲུབ་བྱས་པས་པར་དབང་འདི་གར་དབང་།

སྡོད་གནས། ཀན་ལྷོ་ཁུལ་ཨུའི་གཅིག་གྱུར་གཞུང་ལས་ཐོག་ཁང་གི་དྲུག་ཐོག ཁ་པར། ༠༩༤༡--༨༢༢༢༡༥༩ སྦྲག་ཨང་། ༧༤༧༠༠༠

དྲ་ངོས་རྡེབ་ཚད།མི་ཐེངས། དྲ་ངོས་སྒྲིག་བཟོ། ཧུང་ཏེན་དྲ་རྒྱ།

甘公网安备 62300102000044号